Ankarada 37 nəfərin ölümünə səbəb olan terror aktlarının təşkilində şübhəli bilinən 14 nəfərin məhkəməsi başlanıb.
Onlar martın 13-də törədilən terror aktlarından sonra polisin keçirdiyi reydlər zamanı saxlanıblar.
Həmin hücuma görə cavabdehliyi PKK ilə əlbir olan “Kürdüstan Azadlıq Şahinləri” qrupu üzərinə götürüb.
Fevralın 17-də Ankarada 29 nəfərin ölümü ilə nəticələnən partlayışa görə də cavabdehliyi bu qrup üzərinə götürüb.
Ankaradakı son partlayışı 2 intiharçı-qadın və kişi törədib.
Türkiyə hakimiyyəti onların PKK üzvləri olduğunu deyir.