-
Bakıda GUAM (Gürcüstan-Ukrayna-Azərbaycan-Moldova) milli koordinatorlarının iclası keçirilir.
Report-un xəbərinə görə, toplantıda Azərbaycanın GUAM-a sədrliyi çərçivəsində təşkilatın görəcəyi işlər planlaşdırılır.
Milli koordinatorlar həmçinin, təşkilat məkanında həll olunmamış münaqişələrin nizamlanmasını müzakirə edəcəklər. Bununla bağlı BMT Təhlükəsizlik Şurasına təqdim ediləcək qətnamə nəzərdən keçiləcək.
GUAM-ın formatı 1997-ci ildə Avropa Birliyi dövlət başçılarının Strasburq görüşü ərəfəsində yaradılıb. 1999-cu ildə bu formata Özbəkistan da daxil olsa da, dörd ildən sonra onu tərk edib.