-
Heydər Əliyev Fondunun dəstəyi ilə “Regional İnkişaf” İctimai Birliyi təsis edib.
İsmayıllı rayonunda ictimai birliyin ilk iclası keçirilib.
Modern.az-ın xəbərinə görə, birliyin başlıca məqsədi ölkənin ictimai-siyasi, sosial-mədəni həyatında və vətəndaş cəmiyyəti quruculuğunda daha fəal layihələr həyata keçirməkdir. İslahatlara və dövlətin regionların inkişafı üzrə həyata keçirdiyi tədbirlərə dəstək verməkdir.
Birliyinin ilk iclasında Heydər Əliyev Fondunun icraçı direktoru Anar Ələkbərov həyata keçirilən layihələr haqqında danışıb. O, deyib ki, məhz Heydər Əliyev Fondunun prezidenti Mehriban Əliyevanın tapşırığına əsasən, “Regional İnkişaf” İctimai Birliyi təsis olunub:
"Birliyin əsas fəaliyyəti ictimai nəzarətin gücləndirilməsinə, Heydər Əliyev Fondunun beynəlxalq layihələrinin Azərbaycan çərçivəsində tətbiq olunmasına və gənclərlə iş sahəsinə yönələcək. Fondun prezidenti Mehriban Əliyevanın qarşımızda qoyduğu ən vacib məsələ dövlət strukturları ilə əhalinin əməkdaşlığının qurulmasından ibarətdir”