Martın 3-də Ukrayna münaqişəsi ilə bağlı Parisdə keçiriləcək görüşdə Rusiyanın xarici işlər naziri Sergei Lavrov da iştirak edəcək.
Bu barədə martın 2-də rəsmi Kreml məlumat yayıb.
Görüşdə münaqişənin həlli və atəşkəslə bağlı Minsk sazişi müzakirə olunacaq.
Görüşdə Fransa, Almaniya və Ukraynanın xarici işlər nazirləri də iştirak edəcək.
Minsk razılaşması 2015-ci ilin fevralında əldə olunub.
Razılaşmada Ukraynanın şərqində atəşin dayandırılması və ağır silahların təmas xəttindən geri çəkilməsi nəzərdə tutulur.
2014-cü ilin aprelindən bu yana Ukraynanın şərqində rusiyapərəst separatçılarla hökumət qüvvələri arasında gedən döyüşlərdə 9 mindən çox adam ölüb.