-
Tayvanda yaşayış binasının çökməsinə görə tikinti şirkətləri rəsmiləri saxlanıb. 3 nəfər peşə səhlənkarlığında ittiham olunur.
17 mərtəbəli bina fevralın 6-da baş vermiş zəlzələ zamanı çöküb, onlarla sakin həlak olub.
Fevralın 10-da verilən məlumata görə, saxlananlardan ikisi binanın memarlarıdır. İttihamlardan birində deyilir ki, binanın dayaq sütunlarında tələb olunan bərkidici-birləşdirici detalların yalnız yarısı istifadə olunub.
6.4 bal gücündə zəlzələdən 44 nəfər həlak olub. 100-dək insan binanın dağıntıları altında qalıb.
Tayvanda binalar sərt tikinti qaydaları ilə tikildiyindən bu zəlzələdən çox az bina ziyan görüb. 1989-cu ildə tikilmiş bina çökən tək tikili olub.