-
İraq ordusu Mosul şəhərini İslam Dövləti (İŞİD) ekstremist qruplaşmasından almaq üçün şimal bazasına minlərlə əsgər yerləşdirir. Rəsmilər bunu fevralın 8-də bildirib.
Əsgərlərin yerləşdirildiyi düşərgədə bir zabit deyib ki, onlara “Bağdad yaxınlığında koalisiya qüvvələri təlim keçib”.
İŞİD İraqın ikinci böyük şəhəri olan Mosulu 2014-cü ilin iyununda tutub. İraq ordusu bir neçə dəfə Mosulu almağa çalışsa da, hərbi əməliyyatları uğursuz olub.
ABŞ-ın rəhbərlik etdiyi koalisiya isə bildirir ki, Mosulun azad olunması əməliyyatından danışmaq üçün hələ tezdir.