-
Fevralın 2-də Pentaqon 2017-ci il üçün büdcə icmalını təqdim edəcək. Gözlənir ki, Şərqi Avropada ABŞ qüvvələrinin gücləndirilməsi və İslam Dövləti (İŞİD) silahlı qruplaşmasına qarşı mübarizədən ötrü daha çox vəsait istənilsin.
Pentaqonun oktyabrdan başlanacaq maliyyə ili üçün ümumilikdə 583 milyard dollar istəyəcəyi bildirilir. ABŞ rəsmilərinin sözlərinə görə, bu vəsaitin 59 milyard dolları Əfqanıstandakı hərbi əməliyyatlar, 7 milyard dollardan çoxu İraq və Suriyadakı döyüşlərdən ötrü nəzərdə tutulur.
Ümumilikdə isə Pentaqonun istədiyi məbləğ bu ilin büdcəsindən 35 faiz artıqdır.