-
Çeçenistan paytaxtı Qroznıda respublika lideri Ramzan Kadyrov-a böyük dəstək nümayişi keçirilib.
Çeçenistan Daxili İşlər Nazirliyi yürüşdə 1 milyonadək insanın iştirak etdiyini bildirir. Onlar Rusiya prezidenti Vladimir Putin və Kadyrov-un siyasətini dəstəkləyən plakatlar tutublar.
Bu həftənin əvvəlində yayılan məlumatlara görə, dövlət sektorunda çalışanlara həmin yürüşə getmək üçün təzyiqlər göstərilib.
Bəzi plakatlarda Puin-in tənqidçiləri, müxalifət fəalları “satqınlar”, “beşinci kolon”, “Rusiyaya üzqarası” adlandırılıb.
Təxminən 10 gün öncə Kadyrov oxşar ittihamlar səsləndirmişdi.
İnsan haqları təşkilatları onu kütləvi insan haqları pozuntularında ittiham edir.