-
Yanvarın 22-də Abşeron və Hacıqabul magistral qaz kəmərləri sahələrində təmir işləri aparılması səbəbindən bəzi yaşayış məntəqələrinin qazla təchizatında problemlər olacaq. Bu haqda SOCAR öz saytında ictimaiyyətə bilgi verib.
Təmir işləri davam edən saatlarda Hacıqabul rayonunun Qarasu, Padar və Abdulabad kəndlərinin qazla təchizatında məhdudiyyətlər olacaq. SOCAR həmçinin, Bakı şəhərinin Səbail rayonunun bir hissəsində qaz təchizatında problemlərin ola biləcəyi barədə xəbərdarlıq edib.