Madridin “Real" klubunu yarımmüdafiəçisi Luka Modric "Bavariya"ya transfer olunacağı ilə bağlı yayılan xəbərlərə münasibət bildirib.
Xorvatiyalı futbolçu yerli mətbuata açıqlamasında Madrid klubundan ayrılmaq istəmədiyini bildirib.
O mətbuatda "Bavariya"ya transfer olunacağı ilə bağlı yayılmış xəbərlərin yalan olduğunu deyib:
“Bavariya”nın gələcək məşqçisi Carlo Ancelotti ilə "Real"da çox yaxşı münasibətimiz var idi, onunla hələ də görüşürəm. Amma "Bavariya"ya transferimlə bağlı elə bir söhbətimiz olmayıb. "Real"la 2018-ci ilə qədər müqaviləm var. Müqavilə başa çatdıqdan sonra da burada qalmaq istəyirəm”, deyə bildirib.
Qeyd edək ki, Modric "Real"a 2012-ci ildə "Tottenhem"dən keçib.