-
Cənubi Koreya bildirir ki, Pxenyan ötən həftə ərazisinə 1 milyon vərəqə tullayıb. Seul yanvarın 18-də bəyan edib ki, vərəqələr sərhəd zonasına şarlar vasitəsilə buraxılır.
Cənubi Koreya isə Şimala səsgücləndiricilər vasitəsilə pop musiqi və təbliğat mesajları yayır.
Yanvarın 6-da Pxenyan nüvə sınağı aparıb və hidrogen bombasını uğurla partlatdığını iddia edib. Ancaq Birləşmiş Ştatlar və Seul ortalıqdakı dəlilin həmin iddia ilə üst-üstə düşmədiyini bildirib.
Seul sərhəddə təbliğat videolarının göstərilməsi üçün nəhəng bilbordlar quraşdırmağı nəzərdən keçirir.
Cənub 2004-cü ildən sərhəd boyunca təbliğat vərəqələrinin yayılmasını dayandırıb. Ancaq ölkədəki özəl qurumlar bu işi davam etdirir.