-
Dekabrın 31-dən yanvarın 4-dək Bakı Beynəlxalq Avtovağzalından müxtəlif tutumlu avtobuslar vasitəsilə, ümumilikdə, 1680 reyslə 42 min 849 sərnişin daşınıb.
Bu barədə AzadlıqRadiosuna Nəqliyyatı İntellektual İdarəetmə Mərkəzindən məlumat verilib.
Avtovağzalda ən çox sərnişin sıxlığı isə dekabrın 30-da müşahidə edilib. Belə ki, həmin gün 674 reyslə 18 mindən çox sərnişin daşınıb. Bildirilir ki, bu da əvvəlki illərlə müqayisədə rekord göstəricidir.
Qeyd edək ki, Bakı Beynəlxalq Avtovağzalı dekabrın 21-dən yanvarın 5-dək gücləndirilmiş iş rejimində fəaliyyət göstərib.