Münhendə terror təhlükəsinə görə bağlanmış iki dəmiryol vağzalında iş bərpa olunub.
Amma şəhərdə terror təhlükəsinin səviyyəsi yüksək olaraq saxlanılır.
Hcumlara hazırlaşmaqda şübhəli bilinən 5-7 nəfərin axtarışı gedir.
Onların hamısının “İslam Dövləti” qrupu ilə əlbir olduqları güman edilir.
Almaniya hakimiyyəti dekabrın 31-də xarici xidmətlərdən yaraqlıların Münhendə terror aktlarına hazırlaşması barədə məlumat alıb.
Məlumatda əsas hədəfin 2 dəmiryol vağzalı olduğu bildirilir.
Hər iki vağzaldan sərnişinlər dərhal köçürülüb.
Polis sakinlər və turistləri gur yerlərdən kənar durmağa çağırıb.
Həmçinin Paris, London və Berlində təhlükəsizlik tədbirləri gücləndirilib.