-
Əfqan rəsmiləri bildirir ki, Kabil aeroportu yaxınlığındakı yolda intiharçı özünü partladıb, ölən və yaralılar var.
Daxili İşlər Nazirliyinin sözçüsü Sediq Sediqqi dekabrın 28-də tvitterdə yazıb ki, bir dinc sakin ölüb, dördü yaralanıb.
Hadisə yerində təhqiqat aparılır.
Bu ay Taliban Əfqanıstanda bir neçə hücum üçün məsuliyyəti üzərinə götürüb.
Bir gün öncə isə Pakistan ordusunun rəhbəri general Raheel Sharif Kabilə səfər edib. Məqsəd əfqan rəsmiləri ilə Taliban arasında sülh danışıqlarını başlatmaqdır.