Səudiyyə Ərəbistanında xəstəxananın yanması nəticəsində azı 31 nəfər ölüb, 100-ə yaxın adam isə xəsarət alıb.
Bu barədə Səudiyyə hökuməti məlumat yayıb.
Yanğın dekabrın 24-ü səhər saatlarında ölkənin cənubundakı Jazan Mərkəzi Hospitalında baş verib.
Mülki müdafiə idarəsi alovun söndürüldüyünü və hazırda araşdırma aparıldığını bildirir.
Xəsarət alanlar özəl və ümumi hospitallara götürülüb.