Türkiyənin İzmir sahillərində 19 qaçqın batıb.
Onlardan altısının uşaq olduğu bildirilir.
Qaçqınlar Yunanıstanın Lesbos adasına gedirmiş.
Taxta qayıq küləkli hava şəraitində sahilin 3 kilometrliyində batıb.
Dogan agentliyi həmçinin 14 miqrantın itkin düşdüyünü xəbər verir.
Sahil mühavizə xidməti 21 nəfərin xilas edildiyini bildirir.
Sağ qaldığı güman edilən bir nəfərin isə axtarışı gedir.
Dekabrın 23-də Türkiyə ilə Yunanıstan arasında baş verən başqa bir insidentdə isə azı 13 qaçqın ölüb.
Onlardan 7-sinin uşaqlar olduğu bildirilir.
BMT-nin qaçqınlar üzrə idarəsi və Beynəlxalq Miqrasiya Təşkilatı-nın məlumatına görə, bu il Avropa Birliyi ölkələrinə milyondan artıq qaçqın keçib.
Onların əksəriyyətinin dənizlə keçdiyi və bu cür insidentlər nəticəsində 3 692 nəfərin öldüyü bildirilir.