-
Dekabrın 24-ə keçən gecə Ağcabədi-Zərdab yolunun 7-ci kilometrliyində "SAİPA" markalı minik maşını ilə “MTD” markalı traktor toqquşub.
Minik avtomobilinin sərnişini aldığı xəsarətlərindən vəfat edib. Xilasedicilər onun avtomobildə sıxılmış vəziyyətdə qalmış meyitini çıxarıb.
Tovuz rayonunun Düzqırıxlı kəndində isə “OPEL” və “HYUNDAİ” markalı 2 minik maşın toqquşub. “OPEL”də olan 4 sərnişin xəsarət alıb. Yaralılar deformasiyaya uğramış maşında sıxılmış vəziyyətdə qalıblar. Xilasediciər onları çıxarıb Təcili Tibbi Yardım Stansiyasının əməkdaşlarına veriblər.
Əməliyyat saat 00:40-da başa çatıb.
Xəbərləri Fövqəladə Hallar Nazirliyi yayıb.