Tanınmış iş adamı, AST şirkətlər qrupunun prezidenti, Çerkizov bazarının keçmiş sahibi Telman İsmayılov rəsmən müflis elan olunub.
Rusiya KİV-lərinin məlumatına görə, bu barədə Moskva vilayət Arbitraj Məhkəməsi qərar çıxarıb.
İddiaçı “Банк Москвы”-dır.
Bank oktyabrın 1-də AST şirkətlər qrupunun Rəhbəri Telman İsmayılovun müflis elan edilməsi ilə bağlı məhkəməyə ərizə təqdim etmişdi.
Belə ki, bank 2012-ci ilin sentyabrından 2014-cü ilin fevralınadək “Ruslayn 2000” və “Tropicano Finance” şirkətlərinə 230 milyon dollar məbləğində 3 kredit verib. Bu şirkətlər birbaşa AST şirkətlər qrupuna aiddir.
Amma bank kreditlər və əsas borcu ala bilməyib və
nəticədə oktyabrın 1-də Telamn İsmayılovun ümumi borcları 286 milyon dollara çatıb.
Telman İsmayılovun özü də məhkəməyə müflis elan edilməsi barədə ərizə təqdim etmişdi.