-
Rusiya Nəqliyyat Nazirliyi Türkiyənin 27 Rusiya gəmisini saxlaması barədə məlumatı “yalan” adlandırır. Bu barədə İnterfax informasiya agentliyi nəqliyyat nazirinin müavini Viktor Olerskova istinadla yazır.
Çərşənbə günü Türkiyənin Hurriyyet qəzeti yazıb ki, Qara Dənizdə Rusiyanın 27 gəmisi saxlanıb və bu, Rusiyanın 8 türk gəmisini saxlamasına cavabdır.
Noyabrın sonunda Türkiyə Suriya ilə sərhədində Rusiya təyyarəsini vurandan sonra ikitərəfli münasibətlər pisləşib.