-
Tovuz rayonunun Əlibəyli kəndində 5 ay xidmət etmiş Bakı sakini, 20 yaşlı Adil Quliyev hərbi hissədə vəfat edib. Hərbi hissədən onun ehtiyatsızlıq üzündən öldüyünü bildiriblər. Yaxınları isə əsgərin öldürüldüyünü iddia edir.
Dekabrın 6-da valideynləri Adil Quliyevin cənazəsini Bakıya gətirib. Əsgərin cənazəsi hazırda Təzəpir məscidindədir.
AzadlıqRadiosunun müxbiri məscidin qarşından xəbər verir ki, Adil Quliyevin yaxınları ilə Yasamal rayon İcra Hakimiyyəti əməkdaşları arasında mübahisə olub. Əsgərin yaxınları Müdafiə Nazirliyinin onlarla maraqlanmadığını, övladlarının ölümü haqqında düz-əməlli məlumat verilmədiyini deyirlər.
Hələlik ekspert rəyi açıqlanmayıb.
MN-NİN AÇIQLAMASI
Əsgər Adil Quliyev gizir Ceyhun Əhmədovun açdığı atəş nəticəsində vəfat edib. Müdafiə Nazirliyi mətbuat xidmətinin məlumatına görə, hadisə təhlükəsizlik qaydalarının pozulması və silahla ehtiyatsız davranma nəticəsində baş verib.
Ölüm faktı ilə bağlı gizir C.Əhmədov haqqında cinayət işi başlanıb. Araşdırma aparılır.
Valideynləri Müdafiə Nazirliyi ilə razılaşmır, övladlarının qəsdən öldürüldüyünü bildirir.
Sizin brauzer HTML5-i dəstəkləmir
Hərbi hissə ehtiyatsılıqdan, ailəsi isə qəsdlə öldürüldüyünü deyir...