-
İranın dini liderlərindən biri Ayatollah Seyyed Yousef Tabatabai-Nejad işçilər arasında qadınların artmasında prezident Hassan Rohani-ni təqsirli bilib.
İsfahan şəhərinin aparıcı moizəçisi Ayatollah Seyyed Yousef Tabatabai-Nejad deyib ki, «niyə adamlar işsiz kişilər ola-ola qadınları işə götürürlər?».
O, Ruhani-ni günahlandırıb ki, yeritdiyi siyasətlə qadınları işləməyə, o cümlədən, siyasətdə fəallaşmağa həvəsləndirir. Onun dediyinə görə, işləyən qadınlar müstəqillik əldə edir. Seyyed Yousef Tabatabai-Nejad-ın fikrincə, gərək işə ilk növbədə kişiləri götürələr ki, bununla da ailə problemləri yaranmasın.
Tabatabai-Nejad qadınlara nazirliklərdə, kompaniyalarda, mağazalarda işləməyə qadağa qoyulması tərəfdarıdır.