Ərəb milyardçı Mansour bin Zayed Al Nahyanın sahibi olduğu "Mançester Siti" klubunun səhmlərinin bir hissəsi satılıb.
Britaniya mətbuatının məlumatına görə, klubun səhmlərinin 13 faizini Çinin CMC və CİTİC şirkətlərindən ibarət konsorsium alıb.
Mansour bin Zayed Al Nahyan 6 il əvvəl "Mançester Siti"nin bütün səhmlərini 265 milyon funt-sterlinqə almışdı.
6 ay davam edən danışıqlardan sonra milyardçı səhmlərin 13 faizini eyni məbləğə çinlilərə satıb.