-
Mina Rəşid
YOL VERİN MAŞINLARA
Çəkilin, ay uşaqlar,
Yol verin maşınlara.
Bu qədər söz batmayan
Ruhu-canı daşlara.
Yağış durmadan yağır
Böyüyür gölməçələr.
Maşınlar yolu tutub,
Maşın yox, qulbeçələr...
Uşaqlar su içində
Yer tapmırlar keçməyə.
Göydən yol çəkilsəydi
Məktəbə tez getməyə.
Sonra da, dar bir qapı,
Növbəyə dur, ay uşaq!
Məktəbə çatmaq üçün
Gərək olasan qoçaq.
Yol-iz tutulub tamam,
Möhkəm ol sən, balaca!
Uşaqlıqdan zillətə
Öyrən, öyrən beləcə...