Banqladeşdə müxalifət liderləri barədə çıxarılmış ölüm hökmü icra edilib. Ali Ahsan Mohammad Mujahid və Salahuddin Quader Chowdhury 1971-ci ildə müstəqillik uğrunda gedən müharibə zamanı törətdikləri cinayətlərə görə ölüm cəzasına məhkum ediliblər.
Banqladeş Ədliyyə nazirliyinin məlumatına görə, müxalifət liderləri noyabrın 22-ə keçən gecə asılaraq öldürülüblər.
Ali Məhkəmə noyabrın 18-də 67 yaşlı Ali Ahsan Mohammad Mujahid və 66 yaşlı Salahuddin Quader Chowdhury barəsində ölüm hökmünü qüvvədə saxlayıb.
Prezident Abdul Hamid noyabrın 21-də müxalifət liderlərini əfv etməkdən imtina edib.