2015-ci ilin üçüncü rübündə Azərbaycanın xarici dövlət borcu $109,7 mln, yəni 1,6% artıb.
Bu barədə Maliyyə Nazirliyi məlumat yayıb.
Oktyabrın 1-i üçün Azərbaycanın xarici dövlət borcu $6 mlrd. 730,9 mln. olub ki, bu ilin əvvəli ilə müqaisədə 3,9% çoxdur. Bu il dövlət büdcəsindən ölkənin xarici dövlət borcu üçün $776,2 mln. ayrılması nəzərdə tutulur.
2016-cı ildə hökumət $948,6 mln. xarici borc və onların faizlərini ödəmək fikrindədir.
Oktyabrın 1-i üçün Azərbaycanda hər sakinə təxminən $697,5 xarici borc düşür.