-
Tacikistanda səfərbərlik komissiyasının iki rəsmisi paytaxt Düşənbədə bıçaqlanaraq öldürülüb.
Müdafiə Nazirliyinin sözçüsü Faridun Mahmadaliev noyabrın 9-da bildirib ki, bıçaqla silahlanmış naməlum şəxslər noyabrın 7-də komissiyanın 4 üzvünə hücum çəkib. Onlardan ikisi öldürülüb, ikisi ciddi yaralanıb. Hücum Düşənbə küçələrində baş verib.
Mahmadaliev deyib ki, hücumçuların tutulmasına gətirəcək informasiyaya görə 10 min dollar mükafat qoyulub.
O, hücumun oktyabrın 1-də başlanmış 10 həftəlik səfərbərliklə əlaqəsi olmadığını söyləyib.
İllərdik hakimiyyət gəncləri zorla saxlayıb orduya göndərməkdə ittiham olunur.
18-27 yaşlı kişilər azı iki il hərbi xidmət keçməlidirlər. Ancaq son illər ordudan yayınma geniş yayılıb.