-
Noyabrın 9-da İsrailin baş naziri Benjamin Netanyahu Ağ Evdə ABŞ prezidenti Barack Obama ilə görüşəcək. Onların bölgədə zorakılığın artmasını müzakirə edəcəyi gözlənir.
Oktyabrın 1-dən küçə hücumlarında fələstinlilər 12 israillini qətlə yetirib. Səbəbsə Qüdsdəki əl-Aqsa məscidinə yəhudilərin axınının güclənməsidir. Bu məscid həm müsəlmanlar, həm də yəhudilər üçün müqəddəs sayılır.
İsrail qüvvələri isə azı 72 fələstinlini öldürüb. Əksəriyyəti yeniyetmələr, israillilərə bıçaq, silah, maşınla hücum edənlərdir. Fələstin İsraili aşırı gücdən istifadədə qınayır.