Qazaxıstan prezidenti Nursultan Nazarbayev bildirib ki, Moskva ilə Astana Tacikistandakı vəziyyətdən narahatdırlar.
Nazarbayev bunu oktyabrın 15-də Astanada Rusiya prezidenti Vladimir Putinlə görüşdən sonra birgə mətbuat konfransında deyib.
Əfqanıstanla sərhəd olan Tacikistanda son vaxtlar zorakılıqların artdığı müşahidə olunur.
Nazarbayev həmçinin bildirib ki, Qazaxıstan Rusiyanın ən etibarlı qonşusu və müttəfiqi olaraq qalacaq.
Putin isə iki ölkənin Xəzər hövzəsində neft yataqları ilə bağlı böyük planları olduğunu bildirib.