-
Həcc ziyarətini başa vuranların ilk qrupu Səudiyyə Ərəbistanını tərk edib.
APA-nın məlumatına görə, azərbaycanlı hacılar bir qədər əvvəl Ciddə hava limanında Bakıya yola düşüblər. Onların təyyarəsi saat 9.30-da Heydər Əliyev Beynəlxalq Hava Limanına enəcək.
Azərbaycanlı hacıların digər qrupu isə saat 14.00-da Bakıya çatacaq.
Bu il Azərbaycandan Həcc ziyarətinə 2400 zəvvar yollanmışdı. Onlardan 3-ü ziyarət zamanı vəfat edib.