Pele FİFA prezidenti Seep Blatteri təşkilatdakı fəaliyyəti dövründə korrupsiya qalmaqalı ilə bağlı hərtərəfli hesabat verməyə çağırıb.
Üçqat dünya çempionu olan Pele FİFA komitəsinin xüsusi məsləhətçisidir.
O Sky Sports-a müsahibəsində deyib ki, o təşkilata Franz Beckenbauerlə birlikdə kömək eləmək üçün gəlib,amma baş verənlər gördüyünüz kimi çox kədərlidir: ”Mən məhz nə baş verdiyini bilmirəm,siz eşidirsiz,amma nə baş verdiyini bilmirsiniz. Amma son iki ildə baş verənləri bilmək üçün Blatter ədalətli olub, gördüklərini deməlidir”-deyə o vurğulayıb.
Qeyd edək ki, Seep Blatter bu ilin mayında yenidən FİFA prezidenti seçilsə də korrupsiya qalmaqalına görə istefa verməli oldu.
Onun istefasından əvvəl təşkilatın Sürixdəki ofisində axtarış aparıldı və qurumun 10-a yaxın rəsmisinə qarşı ittiham irıli sürüldü.
Bu günlərdə isə təşkilatın baş katibi Jerome Valcke müvəqqəti işdən kənarlaşdırılıb və ona qarşı istintaq başlayıb.