-
Pakistan hərbi tribunalı 9 nəfəri terrorçuluqda təqsirli bilərək ölüm cəzasına məhkum edib. Ordunun sentyabrın 21-də yaydığı məlumata görə, təqsirli bilinənlər “ağır terrorçulardır”, onlarla dinc sakini, hüquq-mühafizə əməkdaşını qətlə yetirib.
Həmin şəxslərin bir sıra qadağan olunmuş qruplaşma üzvləri olduqları bildirilir. Harkat-ul-Jehad-e-Islami və Tehreek-e-Taliban Pakistan da həmin qruplaşmalar sırasındadır.
Bu şəxslərin törətdikləri cinayətlər sırasında ordu karvanına hücum, təriqət hücumları sadalanır.
Pakistanda ötən dekabrda Taliban silahlılarının məktəbə hücumu və 134 uşağı qətlə yetirməsindən sonra hərbi məhkəmələrə şübhəli yaraqlıları mühakimə etmək hüququ verilib.