-
Ağ Ev İran əsilli amerikalını baş florist vəzifəsinə təyin edib.
Birinci ledi Michelle Obama sentyabrın 17-də deyib ki, Tehranda doğulub Kaliforniyada böyümüş Hedieh "Roshan" Ghaffarian-ən həyatı Amerika Arzusunun (American Dream) davam etdiyini göstərir.
Ghaffarian 1979-cu il İran inqilabından sonra ailəsi ilə mühacirət edib. Biznesə valideynlərinin evində becərilən gülləri satmaqla başlayıb. Daha sonra tanınmış mütəxəssisə çevrilib, The Knot, Ceremony, Today's Bride və digər nəşrlərlə əməkdaşlıq edib.
Ghaffarian-ın ilk böyük tapşırığı gələn həftə Ağ Evi Çin lideri ilə dövlət naharı üçün bəzəmək olacaq. O, oktyabrın ortasından Ağ Evdə tam ştatda işə başlayır.