Yaponiyanın şimal-şərqində leysan yağışları və sürüşmələrə görə 100 mindən çox adam ev-eşiyini tərk etməli olub.
İki günlük yağışlardan sonra Kinuqava çayı məcrasından çıxaraq Coso şəhərini basıb.
Nəticədə sel evlər və maşınları aparıb.Vertolyotlardan aparılan çəkilişlərdə insanların evlərin damına qalxdığı görsənir.
Azı 7 nəfərin itkin düşdüyü , 17 nəfərinsə yaralandığı xəbər verilir.
Leysan yağışları mərkəzi Yaponiyadan keçən Etau qasırğasının ardınca başlayıb.