"Qəbələ" İdman Klubu həbsdə olan futbolçusu Cavid Hüseynovun Avropa Liqasının qrup mərhələsi ilə bağlı UEFA-ya göndərilən siyahıya salınmasına aydınlıq gətirib.
Qol.Az-ın məlumatına görə, bunu klub rəsmi özünün Facebook səhifəsində yazıb:
“Futbolçu barəsində seçilən 3 aylıq həbs qətimkan tədbiri noyabrın əvvəlində başa çatır.Qrup oyunları isə dekabrın ortalarınadək davam edəcək. Əgər istintaq nəticəsində Cavid Hüseynovun təqsiri sübuta yetirilməsə və o azadlığa çıxsa, qrup oyunlarında iştirak şansı qazanacaq, buna görə onun adı siyahıya salınıb.”-deyə rəsmi bildirir.
Avropa Liqasının qrup mərhələsi üçün təqdim olunan ərizəyə sonradan əlavələr etmək mümkün deyil.