-
Bu il yanvarın 1-dən avqustun 7-dək Bakıda 68 min piyada cərimə olunub.
Bakı Şəhər Dövlət Yol Polisi İdarəsinin bölmə rəisi Vaqif Əsədov AzərTAC-a belə deyib.
Onun sözlərinə görə, bu müddətdə yeraltı və yerüstü piyada keçidləri yaxınlığında reydlər keçirilib. Məqsəd piyadaların avtomobillə vurulması hallarına qarşı mübarizəni gücləndirməkdir.
Nəticədə Yol Hərəkəti Haqqında Qanunun 40-cı maddəsini pozan 68 min piyadanın 20 manat cərimə edildiyi bildirilir.
V.Əsədov ötən illə müqayisədə bu il piyadaların vurulması hallarının azaldığını söyləyib. O piyada keçidlərinin nəzarətə götürüldüyünü, 100-dən artıq polis əməkdaşının həmin ərazilərdə xidmət apardığını bildirib.