-
İslam Dövləti silahlı qruplaşması iyulun 13-də təzə audio yayıb. Audiodakı səsin Əfqanıstan liderinə məxsus olduğu iddia edilir. Həmin liderin isə 3 gün öncə ABŞ pilotsuz qurğusunun zərbəsindən həlak olması barədə məlumatlar var.
Hafez Saeed-ə məxsus olduğu deyilən audio İD-nin vebsaytında yerləşdirilib. Hələlik audionun həqiqiliyini yoxlamaq mümkün olmayıb.
Pakistanlı Saeed-in iyulun 10-da Əfqanıstanın şərqi Nangarhar vilayətində öldürüldüyü bildirilirdi.
Saeed 2014-cü ildə Talibandan İD-ə keçib.
Son aylar ərzində İD silahlıları Nangarhar vilayətinin bir neçə rayonunda əfqan talibanı ilə savaşır.