BMT Suriya münaqişəsi nəticəsində 4 milyondan çox adamın qaçqın düşdüyünü bildirir.
Onların 1 milyondan çoxu son 10 ay ərzində qaçqın düşüb.
BMT-nin qaçqınlar agentliyinin rəhbəri Antonio Guterres bunun 1992-ci il Əfqanıstan münaqişəsindən sonra ən böyük rəqəm olduğunu deyir.
Həmin vaxt Əfqanıstanda 4,6 miyon nəfər qaçqın düşmüşdü.
O bildirib ki, suriyalı qaçqınlara dünyanın dəstəyi lazımdır, onlar çox acınacaqlı şəraitdə, yoxsulluq içində yaşayırlar.
Bundan başqa Suriyanın daxilində 7,6 milyon nəfər hərbi əməliyyatlara görə ev-eşiyindən didərgin düşüb.
2011-ci ildən bu yana Suriya münaqişəsində ümumilikdə 230 mindən çox adam ölüb.