-
Pakistan hökuməti bildirir ki, iyulun 7-də Əfqanıstan hökuməti ilə əfqan taliban təmsilçilərinin görüşü razılıqla bitib. Tərəflər sülh və barışığa yönəlik danışıqları davam etdirməyə razılaşıblar.
Görüşə Pakistan Xarici İşlər Nazirliyi ev sahibliyi edib. Nazirlik iyulun 8-də yaydığı bəyanatda bildirir ki, tərəflər “regionda davamlı sülh naminə hər bir tərəfin prosesə səmimiyyət və tam sadiqliklə yanaşmasının” vacibliyinə razılaşıblar.
İslamabadda keçirilən danışıqlara Əfqanıstan xarici işlər nazirinin müavini Hekmat Khalil Karzai və taliban təmsilçisi Mullah Jalil qatılıb. Çin və Birləşmiş Ştatların təmsilçiləri də iştirak ediblər.
Əfqan rəsmiləri ilə talibanın daha öncəki görüşlərində konkret irəliləyiş qeyd alınmayıb. Bu arada ölkədə talibanın hücumları da vüsət alır.