Dövlət Gömrük Komitəsi Azərbaycandan Ermənistana mal ixracına dair məlumatlarla bağlı açıqlama yayıb.
Məlumatda bildirilir ki, son günlər bəzi yerli KİV-də Ermənistan Maliyyə Nazirliyinin gömrük xidmətinin hesabatına istinadən Azərbaycandan Ermənistana mal ixrac edilməsi barədə məlumat yayılıb.
Azərbaycanın Dövlət Gömrük Komitəsi rəsmi olaraq bildirir ki, bu cür məlumatların heç bir əsası yoxdur və ümumiyyətlə Azərbaycanla Ermənistan arasında heç bir xarici ticarət əməliyyatları həyata keçirilmir.