Son 24 saat ərzində Ukraynanın şərqində gedən döyüşlərdə 3 əsgər ölüb, 14-ü yaralanıb.
Bu barədə iyunun 18-də ordunun sözçüsü Andriy Lysenko məlumat verib.
O toqquşmaların səngimədiyini və bəzi ərazilərdə iri miqyasa keçdiyini bildirib.
BMT-nin məlumatına görə, ötən ilin aprelindən bu yana Ukraynanın şərqində hokumət qüvvələri ilə rusiyapərəst separatçılar arasında gedən döyüşlərdə 6400-dən çox adam ölüb.
Bu ilin fevralında Minskdə tərəflər arasında atəşkəs sazişi imzalansa da vaxtaşırı toqquşmalar olur və bu son vaxtlar daha artıb.