Macarıstan parlamentinin sədri, hakim FİDES partiyasının liderlərindən olan Laslo Köverin rəhbərlik etdiyi nümayəndə heyəti iyunun 16-da Azərbaycana səfərə gəlir.
Azərbaycanın Macarıstandakı səfirliyinin mətbuat xidmətindən APA-ya verilən məlumata görə, işgüzar xarakterli səfər çərçivəsində Milli Məclis və Hökumətdə bir sıra görüşlər nəzərdə tutulur.
Səfərdə digər məqsəd isə I Avropa Oyunlarının gedişi ilə tanış olmaqdır.
Səfər çərçivəsində L. Köver macarıstanlı idmançılara da baş çəkəcək.
Səfər iyunun 21-dək davam edəcək.