-
ABŞ prezidenti Barack Obama mayın 31-də vitse-prezident Joe Biden-in ailəsinə baş çəkərək 46 yaşlı oğlu Beau-nun ölümünə görə başsağlığı verib.
Biden deyir ki, oğlu Beau beyin xərçəngindən vəfat edib.
Ağ Evin yaydığı bəyanatda deyilir: “Biden ailəsinin kədərini sözlə ifadə etmək mümkün deyil. Bilirik ki, Beau-nun ruhunu hamımız, özəlliklə cəsur həyat yoldaşı Hallie, iki gözəl övladı Natalie və Hunter yaşadacaq”.
Delaverin keçmiş baş prokuroru Beau Biden bu ayın əvvəlində xəstəxanaya yerləşdirilib.
2010-cu ildə o, yüngül iflic keçirib.