Talibanın mayın 14-nə keçən gecə Kabildəki Parc Palace hotelinə hücumu nəticəsidə azı 14 nəfər ölüb, bir neçə adam yaralanıb.
Bu barədə BMT-nin Əfqanıstandakı missiyası xəbər verir.
Bu hoteldə əsasən xaricilər qalır.
Hotelinin üzun mühasirəsindən sonra 54 nəfər xilas edilib.
Onlardan 45-i xaricidir.
Məlumata görə, onlar hotelə tədbir keçirməık üçün yığışıblarmış.
Atı çəkilməyən yerli rəsminin sözlərinə görə, ölənlərdən 5-i əfqan, 9-u isə xaricidir.
Onlardan 7-si kişi, 2-si qadındır.
Kabilin polis rəisi Abdul Rahman Rahim ölən xaricilərdən 1-nin amerikalı, 1-nin italiyan, 5-nin isə hindistanlı olduğunu deyir.
Həmçinin hücum edənlərdən 3-ü öldürülüb.
Polis rəisinin sözlərinə görə, onların üstündə partlayıcı kəmər olsa da qurğunu işə sala bilməyiblər.
Talibanın sözçüsü Zabiullah Mujahid cavabdehliyi öz üzərlərinə götürüb.