ABŞ Dövlət katibi John Kerry bir daha Rusiyanın Ukraynanın şərinqdəki atəşkəs rejiminə əməl etməsinin vacibliyini bildirib.
O belə bir bəyanatla mayın 13-də NATO ölkələri xarici işlər nazirlərinin Antaliyada keçirilən toplantısında çıxış edib.
Onun sözlərinə görə, vəziyyət kritikdir və Rusiya ilə separatçılar Minsk razılaşmasını yerinə yetirməlidir.
NATO-nun baş katibi Yens Stoltenberg isə öz növbəsində bildirib ki, Rusiya separatçılara dəstəyi dayandırmalı, ordusu və ağır silahlarını Ukraynanın şərqindən çıxarmalıdır.
NATO ölkələrinin Antaliyada keçirilən 2 günlük toplantısında Ukrayna münaqişəsi, Suriya və İraq da daxil olmaqla Yaxın Şərqdəki vəziyyət müzakirə olunur.