-
Mateo - Uruquvayda yerləşən Perez Scremini Fondunun pasientidir (Fond xərçəngdən əziyyət çəkən xəstələrin müalicəsi ilə məşğuldur).
İki il əvvəl Mateo xərçəng xəstəsi olduğunu bilib. Bundan sonra Uruquvaydakı klinikaya müalicəyə gəlib. Günlərin bir günü Mateoya deyiblər ki, səninlə skype-də ispan həkimlərdən birisi danışmaq istəyir. Mateo razılaşır. Skype danışığı zamanı isə o monitorda həkimi yox, sevdiyi futbolçu Luis Suaresi görür.
Barselonalı futbolçu xərçəngdən əziyyət çəkən Mateoya ürək- dirək verir və tapşırır ki, həkimlərinin sözünə, tapşırıqlarına qulaq assın.