2 Ukrayna əsgəri Luhansk vilayətində minaya düşərək həlak olub.
Bundan başqa 3 əsgərin yaralandığı xəbər verilir.
Luhansk regionunun Ukrayna tərəfindən təyin edilmiş rəhbəri Hennadiy Moskal mayın 4-də hərbi maşının Yekaterinivka kəndi yaxınlığında minaya düşdüyünü deyir.
Luhanskın cənubu hazırda rusiyapərəst separatçıların nəzarətindədir.
Ötən ilin aprelindən bu yana Ukraynanın şərqində hökumət qoşunları ilə separatçılar arasında gedən döyüşlərdə 6 mindən çox adam ölüb.