Hindistanın şimal-şərqində hərbi konvoya hücum nəticəsində azı 8 Hindistan əsgəri həlak olub, 5-i isə yaralanıb.
Hindistan rəsmilərinin sözlərinə görə, insident mayın 3-da Myanmar sərhəddinin yaxınlığındakı Naqalanducqar rayonda baş verib.
Rəsmilər həmçinin 4 əsgərin itkin düşdüyünü deyirlər.
Polisin məlumatına görə, bu hücumun arxasında çox güman ki, Naqa qəbiləsinin azadlığı uğrunda mübarizə aparan “Naqalandın milli-sosial surası”adlı qanunsuz qrup durur.
Hakimiyyəti onun tələblərinə ciddi yanaşmamaqda günahlandıran qrup ötən ay atəşkəs razılaşmasından çıxdığını bəyan edib.
Hindistanın şimal-şərqindəki 7 ştatda qəbilələrdən ibarət onlarla bu cür silahlı qruplar fəaliyyət göstərir.