-
Aprelin 24-də Yerevanda Osmanlı İmperiyası dövründə erməni qırğınlarının 100 illiyi ilə bağlı anım mərasimi keçirilib.
Mərasimdə ölkə prezidenti Zerzh Sarkisian, Rusiya prezidenti Vladimir Putin, Fransa prezidenti François Hollande, Serbia prezidenti Tomislav Nikolić və digər ölkə rəsmiləri iştirak ediblər.
Onlar Yerevanda tikilmiş abidənin önünə əklil və sarı qızılgüllər qoyublar.
Fransa prezidenti François Hollande mərasimdə bildirib ki, «biz heç vaxt erməni dostlarımızın bu faciəsini unutmayacağıq və mən ölənlərin xatirəsini yad etmək üçün baş əyirəm».
Rusiya prezidenti Vladimir Putin isə bildirib ki, insanların kütləvi qırğınına heç vaxt haqq qazandırıla bilməz və Rusiya bu matəm günündə Ermənistan xalqı ilə birdir.
Həmçinin, böyük erməni icmalarının olduğu Paris və Los-Anceles kimi şəhərlərdə anım mərasimləri keçirilir.
İstanbulda da anım mərasimi keçirilir.
Erməni Patriarxının iqamətgahında keçiriləcək mərasimdə Türkiyənin Avropa Birliyi məsələləri üzrə naziri Volkan Bozkır də iştirak edəcək.
Rusiya və Fransa da daxil olmaqla, 20-dən çox ölkə Birinci Dünya Müharibəsi - Osmanlı İmperiyası dövründə baş verən bu qırğınları soyqırımı kimi tanıyıb.
Bu məsələ Türkiyə ilə bu ölkələr arasındakı münasibətləri korlayıb.
Ermənistan həmin illərdə milyon yarım erməninin soyqırımına məruz qaldığını iddia edir.
Türkiyə ittihamı rədd edir, bu rəqəmin qat-qat şişirdildiyini və həmin vaxt vətəndaş müharibəsi zamanı hər iki tərəfdən xeyli ölənlər olduğunu deyir.