-
"Qanun" nəşriyyatı "Klassiklər" seriyasından iki yeni kitab çap etdi.
Fyodor Dostoyevski - YAZIÇININ GÜNDƏLİYİ
Bu kitabda Dostoyevskinin ədəbiyyat və ayrı-ayrı yazıçılar, o dövrün yaradıcı mühiti, insanları, eləcə də bilavasitə iştirakçısı və şahidi olduğu hadisələr haqqında yazıları toplanıb.
“Yazıçının gündəliyi” Dostoyevskinin yalnız nəhəng və əvəzolunmaz yazıçı deyil, həm də böyük bir publisist olmasını sübut edir.
“Yazıçının gündəliyi” dilimizə ilk dəfə tərcümə olunur.
Ruscadan tərcümə Məmməd Qocayevindir.
Erich Maria Remarque - ZƏFƏR TAĞI
Tanınmış alman yazıçısı Erix Maria Remarkın “Zəfər tağı” romanı anti-faşist mövzuda yazılmış ən yaxşı əsərlərindəndir.
Müəllif cərrah Ravikin şəxsində faşizmin vətəndən didərgin saldığı qaçqınların acınacaqlı həyat tərzini, faciəli taleyini ustalıqla təsvir edir.
Dünyagörüşündə və həyata baxışındakı ziddiyyət və bədbinliyə baxmayaraq, Ravik inamını itirmir, təkbaşına da olsa, faşizmlə mübarizə aparır.
Tərcümə: Vilayət Hacıyev