-
Qırğızıstanın “Nur Telekom” şirkətinin Azərbaycanın işğal olunmuş ərazilərdə qanunsuz fəaliyyət göstərən “Karabakh Telekom” şirkəti ilə roumunq razılaşması dayandırılıb.
Bu haqda Xarici İşlər Nazirliyi Mətbuat Xidmətinin rəhbəri Hikmət Hacıyev yanvarın 20-də məlumat yayıb.
Məlumata görə, razılaşma Azərbaycanın Qırğızıstandakı səfirliyinin müdaxiləsindən sonra dayandırılıb:
“Nur Telecom” şirkəti tərəfindən Azərbaycan səfirliyinə yanvarın 20-də ünvanlanmış məktubda şirkətin internet saytında verilmiş düzgün olmayan məlumata görə təəssüf ifadə olunur. Bunun aradan qaldırılması üçün yanvarın 19-da şirkət tərəfindən təxirəsalınmaz tədbirlərin görüldüyü bildirilir”
Nazirlik bu məsələdə fəallıq göstərmiş Azərbaycan vətəndaşı Azayev Vüsal Samidağa oğluna təşəkkürünü bildirib.